منتديات البـــغــــــدادي

التبادل الاعلاني


    عباس جيجان 3

    شاطر
    avatar
    اسامة العبيدي
    المدير العام للمنتدى
    المدير العام للمنتدى

    ذكر
    عدد الرسائل : 38
    العمر : 31
    الموقع : العراق-الانبار -هيت-البغدادي
    العمل/الترفيه : طالب في الجامعه التكنولوجية
    المزاج : مرح الى درجة مو طبيعية
    تاريخ التسجيل : 07/08/2008

    عباس جيجان 3

    مُساهمة من طرف اسامة العبيدي في الخميس سبتمبر 10, 2009 12:24 pm

    العراق
    عباس جيجان





    ما أنت بعيد أنت العين وأقرب من الجفن أنت

    وما أنت غريب أنت الوالد اليحضن بيده وليده وبنته

    وما أنت وحيد أنت الشعب كله بشيعته وسنته

    منهو القالك ناسيك همّ ينسى القمر وقته.. لو نبض القلب يتنكر لدكته

    بس عشقك عشق مفضوح وعشق الناس كلها مساتر وسكته

    صرت أنت سبت وبرقبة يهودي.. همّ شايف يهودي يجوز من سبته

    أنت الفارس اليسبق هبوب الريح وما أظن خيل سابقته

    وأنت اللي يرهم ترابك كحل للعين ودوة للماشفت علته

    ومن طينك نحني كفوف المعرسين وكل اصبع فرح من طينتك طقته

    وأنت الريحة ترابك ترد الروح هيل وزعفران وعنبر بشمته

    ومثل تراب قاعك ما لقينا تراب يرهم للصلاة من طينته تربته

    أنت أنت ينام بيك المرتضى الكرار أبو الحسنين التلوذ الناس كلها بشارته وبخته

    وأنت ينام بيك بكربلاء حسين الما بايع الطاغي ودنّق رقبته

    وأنت اللي بيك ظلت شارة العباس لمّن طاح دنق له للفرات وباسه من شفته

    من طلعت منك يوم طرني البين قلبي وياي ما جبته

    أتاريني نسيته هناك عندك قلبي أمنّته

    شتلته بجرف دجلة الخير وي سبّاح الشواطئ شربكت بتّه

    وامتدن عروقه بوسط ذيك القاع ومن ماي الفرات ودجلة عمدته

    ولمن صار ينقل جدمه بين الناس أخذته وياي للكاظم على الشباك زورته

    صح هسه أصبحت من وطن نيدر لاند هولندي الهوية وشعري جللته

    وصح تأقلمت ويّ الغرب فدنوب وصرت ماسخ مثلهم والملح عفته

    وصح قمت أرطن رطنهم لمّن يرطنون ولسان العرب بالأعجمي كسرته

    لكن ما أدري شنهي يصير بيّا من يمر طاريك أحس أنك دفو تموز وسط الشتاء

    وتاريني مثل طبع النخل لو طال يرجع للأصول وتنحني شعفته

    العالم نسى يوم 11 من أيلول صارت بيك سالفته

    ناس تقول لازم نحتويه ونشفط البترول ونعوض الراح ونسرق برقته

    وناس تقول لازم هالحصار يدوم وناس تقول لازم ننزع أسلحته

    وناس تقول خطيّة أطفاله ماتوا من الجوع.. وناس تقول حيل وياه ما حمد ربه وشاكر نعمته

    وأنت بين هذا وذاك صاير شبح لليرمون وياهو القام ضدك سدد تفقته

    جي لأنك حلو والدول منا تغار ما عندهم اللي عندك من مجد نلته

    أنت أول وطن آدم وضع جدمه عليه وقال يا الله ولأنك وصلة من جنته

    وأنت أول وطن حبه النبي إبراهيم ودعا ربه يصونه برحمته وعزته

    وأنت أول وطن مرسى لسفينة نوح والنبي أيوب ناخت بيك راحلته

    وأنت أول وطن علم العالم أبجدية ويكتب التاريخ.. وأنت أول وطن قانون سننته

    وأنت أول وطن قالت له الشمس يمه صباح الخير.. ولو رادت تمسّي تمسي يمّ قبته

    وأنت أول وطن ما تشبه الأوطان مدري شلون ربك خالقك ... سبحان ربي شلون صورته

    صورته العراق وبس علينا يلوق وإحنا نلوقله لمّن يحل وقته

    عراق المال والأبطال كل الناس واصفته

    ذوْله أهل الغدر من عندك شيردون ياهو الطاح منهم ما أجو عنده

    كان جيبك موش إلك لما العرب ينخوك عزيز المال هيك وهيك طشرته

    شو لمّن طحت ما حد إجاك وقال عد عيناك.. وأنت جروحك ينزفن مثل دمع الشمع سكته

    وبقيت وحيد مدمي بساحة الميدان وأطفالك عليك بصفك ينوحون.. وأنت تون ولا مثلك قبل مذبوح ون ونته توكيت على جرحك قمت ما اهتميت خاف الشامت يشوفك طريح ويشتفي بشمته

    طبع بيك المكابر أكبر من الآه وأكبر من غدرهم يابا أتلفته

    كم غازي بغازي اللي مرّ عليك وزال وتكنسه السنين مقبّع بذلته

    صفوا بالمزبلة ويلعنهم التاريخ وكل ذوله الغزاة أشخاص راحوا والبقيت أنت

    تراب بلادنا يرفض أقدام الأجنبي والغازي والمحتل.. تراب بلادنا بس انبياء الله ساحقته






    _________________



    مدريدي الى الابد

    ابو غاده
    عضو مشارك
    عضو مشارك

    ذكر
    عدد الرسائل : 15
    العمر : 31
    الموقع : الانبار -هيت - البغدادي-جبة
    العمل/الترفيه : طالب
    المزاج : مزاجي حلو
    تاريخ التسجيل : 13/08/2008

    رد: عباس جيجان 3

    مُساهمة من طرف ابو غاده في الأربعاء نوفمبر 18, 2009 2:12 pm

    منهو القالك ناسيك همّ ينسى القمر وقته.. لو نبض القلب يتنكر لدكته

    بس عشقك عشق مفضوح وعشق الناس كلها مساتر وسكته
    مشكور اخوي قصيده جميلة

      الوقت/التاريخ الآن هو الخميس نوفمبر 23, 2017 6:49 pm